Սրբավայրերի և մշակութային վայրերի պահպանման հարցը Լեռնային Ղարաբաղի շահագրգիռ կողմերի հետ Ռուսաստանի շփումների մի մասն է, որին հատուկ կարևորություն է տրվում, հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:
Ավելի վաղ ՌԴ նախագահ Վլադիմիր Պուտինն Ադրբեջանի նախագահ Իլհամ Ալիևի հետ զրույցում ընդգծել էր Ղարաբաղի քրիստոնեական եկեղեցիների և վանքերի անվտանգության ու բնականոն եկեղեցական կյանքի ապահովման կարևորությունը:
«Այս հարցը հատկապես արդիական է և կողմերի հետ մեր շփումների օրակարգում է», – ասել է Զախարովան։