Երևանում գնացքը բախվել է գծերի վրայով անցնող քաղաքացուն, որը տեղում մահացել է

Երևանում բեռնատար գնացքն այսօր բախվել է գծերի վրայով անցնող տարեց կնոջը, որը տեղում մահացել է։ Տեղեկությունը հայտնում է shamshyan.com-ը։

Ըստ հաղորդագրության` ժամը 15։00-ի սահմաններում ՀՀ ներքին գործերի նախարարության ոստիկանության Շենգավիթի բաժինն ահազանգ է ստացել, որ Աերացիա թաղամասով անցնող գնացքի գծերի վրա քաղաքացին ընկել է գնացքի տակ և տեղում մահացել։

Կան տեղեկություններ, որ գնացքավարը նկատել է գնացքի գծերի վրայով անցնող քաղաքացուն, մի քանի անգամ շչակ է միացրել, սակայն օգուտ չի տվել, իսկ գնացքը չէր կարող կտրուկ արգելակել։

Դեպքի առթիվ քրեական վարույթ է նախաձեռնվել։