Եվրոպական Միությունը մտահոգված է Հայաստանի ու Ադրբեջանի միջև լարվածության աճի կապակցությամբ: Այդ մասին Twitter-ի իր միկրոբլոգում գրել է Հարավային Կովկասի ու Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը:
«Մտահոգված ենք վերջին օրերին Հայաստանի ու Ադրբեջանի միջև լարվածության աճի կապակցությամբ: Եվրամիությունը հանձնառու է՝ խորացնելու մասնակցությունը խաղաղության գործընթացում: Մենք ներգրավված ենք մի քանի մակարդակում: Կարևոր է նվազեցնել լարվածությունը և բաց չթողնել պատերազմի՝ տասնամյակների էջը շրջելու պատմական հնարավորությունը»,- գրել է պաշտոնյան:
Concerned about reports of increased tensions in 🇦🇲-🇦🇿 context over recent days. 🇪🇺is committed to deepening its engagement in the peace process; we are engaged on multiple levels. Important to deescalate & avoid derailing an historic opportunity to turn page on decades of strife
— Toivo Klaar (@ToivoKlaar) August 2, 2022
