Դատավորը որդեգրման գործով կայացրել է չպատճառաբանված վճիռ. ԲԴԽ-ն դադարեցրեց Ալեքսեյ Սուքոյանի լիազորությունները

Աստղիկ Խաչատրյան 30.01.2023 - 20:02
30.01.2023 - 20:02 դիտում

ՀՀ արդարադատության նախարարը (26.12.2022 թ.) միջնորդություն է ներկայացրել Բարձրագույն դատական խորհուրդ՝ դատավոր Ալեքսեյ Սուքոյանին կարգապահական պատասխանատվության ենթարկելու վերաբերյալ, որի քննությամբ Բարձրագույն դատական խորհրդի կողմից որոշում է կայացվել միջնորդությունը բավարարել:

Արդյունքում՝ Երևան քաղաքի առաջին ատյանի ընդհանուր իրավասության դատարանի դատավոր Ալեքսեյ Սուքոյանի լիազորությունները դադարեցվել են էական կարգապահական խախտման հիմքով:

Դատավոր Սուքոյանը գործի քննության արդյունքում կայացված վճռով հաստատել է այնպիսի երեխայի որդեգրում, որը փաստացի ենթակա չի եղել որդեգրման:

Բացի այդ, Դատարանը՝ անտեսելով Ընտանեկան օրենսգրքի մի շարք հոդվածներ, վճռի եզրափակիչ մասում ներառել է տեղեկություններ որդեգրված երեխայի հոր անվան, հայրանվան և ազգանվան վերաբերյալ, այդ կերպ՝ վճռով որոշել է ամուսնության մեջ չգտնող անձի կողմից որդեգրված երեխայի հոր ազգանվան հետ կապված հարցը, որպիսի լիազորություն դատարանին վերապահված չէ:

Դատավորը որդեգրման գործով կայացրել է չհիմնավորված և չպատճառաբանված վճիռ. նախարարի միջնորդությամբ` ԲԴԽ-ն դադարեցրեց…

Опубликовано ՀՀ արդարադատության նախարարություն/Ministry of Justice of Armenia Понедельник, 30 января 2023 г.

0 մեկնաբանություն
0

ՆՄԱՆԱՏԻՊ ՀՈԴՎԱԾՆԵՐ