Գյումրու համայնքապետարանի մշակույթի եւ երիտասարդության հարցերի բաժնի նախաձեռնությամբ՝ Գյումրիում մեկնարկեց «ART շաբաթ» խորագրով դասական երաժշտության փառատոնը: «ART շաբաթի»-ի բացումը կայացավ Գյումրու տեխնոլոգիական կենտրոնում՝ Խաչատրյան Տրիոյի կողմից մատուցված գեղեցիկ համերգային ծրագրով։ Այս փառատոնը Գյումրիում անցկացվում է երկրորդ անգամ՝ Գյումրու համայնքապետարանի մշակույթի եւ երիտասարդության հարցերի բաժնի նախաձեռնությամբ: Հունիսի 20-27-ը քաղաքի տարբեր համերգասրահներում, թանգարաններում եւ դահլիճներում տեղի բոլոր երաժշտական ու արվեստի դպրոցների, երաժշտական ուսումնարանի ու ԵՊԿ Գյումրու մասնաճյուղի, ինչպես նաեւ օտարերկրյա հրավիրյալ երաժիշտների մատուցմամբ Գյումրիում կհնչի դասական երաժշտություն: