Հասարակություն

Գեղարքունիքի պարեկները հայտնաբերել են թմրանյութ ու կանեփի թփեր

Աննա Կոստանյան 10.06.2024 - 10:59

գրված է Աննա Կոստանյան 10.06.2024 - 10:59 65
դիտում

Մայիսի 29-ին` գիշերվա ժամը 1:15-ի սահմաններում, Գեղարքունիքի մարզի պարեկները Սևան-Մարտունի-Գետափ ճանապարհի 19-րդ կմ-ին ստուգման նպատակով կանգնեցրել են «Օպել» մակնիշի մի մեքենա: Հրազդան քաղաքի բնակիչ 42-ամյա վարորդը թմրանյութ ապօրինի պահելու և օգտագործելու կասկածանքով տեղափոխվել է ոստիկանության Գավառի բաժին, իսկ մեքենան` պահպանվող հատուկ տարածք:

Անձնական խուզարկությամբ վարորդի մոտ հայտնաբերվել է թղթե փաթեթով կանաչավուն զանգված: Մեքենայում հայտնաբերվել է նույն զանգվածով ծխախոտի գլանակ, նաև` հողով լցված պլաստիկե տարա` կանեփանման հինգ բույսով:

42-ամյա հրազդանցին հայտնել է, որ թղթե փաթեթում և գլանակում մարիխուանա է, իսկ կանեփի թփերը քիչ առաջ է հողից հանել: Նաև հավելել է, որ այդ ամենն անձնական օգտագործման համար է:

Տղամարդն ու կազմված փաստաթղթերը ներկայացվել են Գեղարքունիքի մարզային քննչական վարչություն: Հանգամանքները պարզվում են:

նախորդ գրառումը

Ազատավան գյուղի կամրջին մեքենան դուրս է եկել երթևեկելի գոտուց, բախվել արգելապատնեշին. կան զոհեր

հաջորդ գրառումը

Անհայտ հանգամանքներում կորել է ադրբեջանցի զինծառայող

ՆՄԱՆԱՏԻՊ ՀՈԴՎԱԾՆԵՐ