Բելգիայի ոստիկանությունը Բրյուսելում ձերբակալել է հունաստանցի եվրապատգամավոր Եվա Քայլիին, որը զբաղեցնում է Եվրախորհրդարանի փոխնախագահի պաշտոնը՝ հաղորդում է DW-ն:
Եվրապատգամավրի ձերբակալությունը տեղի է ունեցել Կատարի կողմից հնարավոր կոռուպցիայի հետաքննության շրջանակներում։ Բրյուսելում այս գործով ընդհանուր առմամբ 5 մարդ է ձերբակալվել։
Համահունական սոցիալիստական շարժում կուսակցությունը, որի անդամ է Քայլին, ավելի վաղ հայտարարել էր նրան հեռացնելու մասին։ Քայլին Եվրախորհրդարանի ներկայացուցիչներից մեկն էր, որը վերահսկում էր Կատարի աշխատաշուկայի իրավիճակը, որտեղ իրավապաշտպանները նշում են Ասիայից և Աֆրիկայից աշխատանքային միգրանտների իրավունքների խախտման բազմաթիվ դեպքեր:
Եվրախորհրդարանը Կատարից պահանջում էր բարեփոխումներ, որոնք պետք է հանգեցնեին իրավիճակի բարելավմանը։ Նշվում է, որ Քայլին Կատարի աշխատանքի նախարարի հետ հանդիպումից հետո՝ նոյեմբերի 22-ին, ելույթ ունենալով Եվրախորհրդարանում, դրական գնահատական է տվել երկրի աշխատաշուկայի բարեփոխմանը:
