Արցախում համակարգչային տեխնիկայի օգտագործմամբ ավելի քան կես միլիոն դրամի հափշտակություն է կատարվել

Անի Հովհաննիսյան 14.11.2022 - 20:59
14.11.2022 - 20:59 դիտում

Արցախի ներքին գործերի նախարարության ոստիկանությունից հայտնում են, որ նոյեմբերի 14-ին ոստիկանության տնտեսական և կոռուպցիոն հանցագործությունների դեմ պայքարի վարչություն է ստացվել` Մարտակերտի շրջանի Հաթերք գյուղի 41-ամյա բնակիչ Ա. Գ.-ի դիմումն այն մասին, որ նոյեմբերի 2-4-ն ընկած ժամանակահատվածում անհայտ անձը համացանցով` համակարգչային տեխնիկայի օգտագործմամբ, իր և 36-ամյա կնոջ՝ Ռ.Գ.-ի անվամբ «Արցախբանկ» ՓԲ ընկերությունում բացված քարտային հաշիվներից, առանց իրենց իմացության ընդհանուր՝ 575.000 ՀՀ դրամ է փոխանցել Ա. Գ.-ի անձնական տվյալներով նույնականացված Adjarabet բուքմեյքերական ընկերության խաղային հաշվին։

Նույն խաղային հաշվից կանխիկացնելու եղանակով գումարը հափշտակվել է, որի հետևանքով ամուսիններին պատճառվել է խոշոր չափի գույքային վնաս:

Ստուգմամբ զբաղվում է ոստիկանության տնտեսական և կոռուպցիոն հանցագործությունների դեմ պայքարի վարչությունը։

Տնտեսական և կոռուպցիոն հանցագործությունների դեմ պայքարի վարչությունը ևս մեկ անգամ հորդորում և զգուշացնում է քաղաքացիներին. կիբեռհանցագործություններից ապահովագրվելու նպատակովգաղտնի պահել բանկային քարտի ծածկագիրը, համակարգչային տիրույթում ցուցաբերել զգոնություն։

📌 Հափշտակություն`համակարգչային տեխնիկայի օգտագործմամբ…

Опубликовано ԱՀ ներքին գործերի նախարարության ոստիկանություն Понедельник, 14 ноября 2022 г.

0 մեկնաբանություն
0

ՆՄԱՆԱՏԻՊ ՀՈԴՎԱԾՆԵՐ