Կարմիր խաչի միջազգային կոմիտեն (ԿԽՄԿ) սերտորեն համագործակցում է ռուս խաղաղապահների հետ Լեռնային Ղարաբաղում զոհվածների մարմինների դուրս բերման և հանձնման խնդիրները կարգավորելու համար: Այս մասին ՌԻԱ Նովոստիին հայտնել է Արցախում ԿԽՄԿ առաքելության մամուլի քարտուղար Էթերի Մուսայելյանը։
«Մենք սերտ երկխոսության մեջ ենք նրանց հետ, քանի որ մենք նաև որպես չեզոք միջնորդ ներկա ենք լինում մարմինների դուրսբերման և փոխանցման գործողությունների ժամանակ», – հայտարարել է նա:
Էթերի Մուսայելյանը տեղեկացրել է նաև, որ կոմիտեն պատրաստ է աջակցել Արցախում գերիների փոխանակման ցանկացած գործընթացի:
Մուսայելյանը հավելել է, որ Երեւանն ու Բաքուն պետք է համաձայնեցնեն գերիների փոխանակման մեկնարկի ամսաթիվը: