Անհայտ անձինք կրակ են բացել Կոլումբիայի նախագահ Իվան Դուկեին տեղափոխող ուղղաթիռի վրա, երբ այն թռիչք է իրականացրել հանրապետության արևելյան հատվածում: Այս մասին հայտնում է ՏԱՍՍ-ը:
Ուղղաթիռի կորպուսին վեց փամփուշտ է հարվածել: Այդ ժամանակ ուղղաթիռում է գտնվել նաև Կոլումբիայի պաշտպանության նախարար Դիեգո Մոլանոն և ներքին գործերի նախարար Դանիել Պալասիոսը: Միջադեպի հետևանքով տուժածներ չկան: Իշխանությունները սկսել են հետաքննել միջադեպը:
Դուկեն կատարվածն անվանել է վախկոտների կողմից իրականացված հարձակում: Նա հավելել է, որ իշխանությունները շարունակելու են պայքարը երկրում գործունեություն իրականացնող բոլոր հանցավոր խմբերի դեմ:
