ԱՄՆ-ի Բոստոն քաղաքի արվարձանում Միստիկ գետի կամրջի վրայով անցնելիս մետրոյի շարժակազմում հրդեհ է բռնկվել: Ուղևորներն աղետից փրկվելու համար ստիպված են եղել շարժակազմի պատուհաններից նետվել գետը, բարեբախտաբար, զոհեր չկան, հայտնում է The New York Times-ը։
Հրդեհի պատճառն այն է, որ վագոններից մեկից մետաղական շերտ է պոկվել և բախվել ռելսին, որտեղով էլեկտրական հոսանք էր անցնում, ինչից էլ հրդեհ է բռնկվել։
Massachusetts Bay Transportation-ի գլխավոր տնօրեն Սթիվ Պոֆտակն արդեն ներողություն է խնդրել գնացքում գտնվող 200 ուղևորից։ Նա հրդեհն անվանել է «սարսափելի միջադեպ», որը բնորոշ չէ ընկերությանը։
