Գյումրին կհրաժարվի ծուռ տոնածառից

Գյումրին 2025 թվականը կդիմավորի նոր տոնածառով: Գյումրեցիներին հայտնի բնական կանաչ գեղեցկուհին իր տեղը կզիջի դեռևս անհայտ տեսքով տոնածառին: Գյումրու համայնքապետարանում հերթական ավագանու նիստի ժամանակ ավագանին հաստատեց Ամանորին ընդառաջ նոր տոնածառ ու զարդարանքներ ձեռք բերելու, ինչպես նաև հին զարդարանքների վերանորոգման հարցը: Համայնքային բյուջեից այդ աշխատանքների համար նախատեսվում է հատկացնել 75 մլն դրամ, որից միայն տոնածառի համար՝ 68 միլիոն դրամ: