«Կյանքում ինչ լինում է, պիտի լինի ժամանակին, եթե կորցնում ես ժամանակի զարկերակը, համարիր, որ ամեն ինչ կորցրել ես. Մհեր Մկրտչյանն այս տողերը հաճախ էր կրկնում, հեշտ օրից չէր, որ ուրախ ու տխուր մարդը հասցրել էր կյանքի բոլոր դրվագներում ժպտալ կյանքի փորձություններին ու անցնել առաջ: 1930 թվականի հուլիսի 4-ին Լենինականում ծնվել է հայ կինոյի ու բեմի մեծ կատակերգուն, որ նաեւ ողբերգական կերպարներ կերտելու մեծագույն վարպետ էր: Մուշեղի ու Սանամի որդին ապրեց մի կյանք, որում անընդհատ բաժանեց ուրախություն՝ մի կաթիլ անգամ դրանից չունենալով: