Թալիբները գրավում են Աֆղանստանը, նախկին նախագահ Աշրաֆ Ղանին լքել է երկիրը՝ բացատրելով, որ նման քայլի է դիմել արյունահեղությունից խուսափելու համար: Oտարերկրյա մի շարք պետություններ շտապ տարհանում են իրենց քաղաքացիներին և դիվանագիտական ներկայացուցչությունների աշխատակիցներին` հաղորդում է РИА Новости-ն:
Պենտագոնը լրացուցիչ 1000 զինծառայող է ուղարկել Աֆղանստան: Համիդ Քարզայի անվան միջազգային օդանավակայանում քաոս է սկսվել, հազարավոր աֆղանցիներ փորձում էին ինքնաթիռներ նստել երկրից հեռանալու համար: Օդանավակայանը հսկում են ամերիկացի զինվորականները, որոնք նախազգուշական կրակ են բացել աֆղանցիների ուղղությամբ, կան զոհեր: Թալիբների հարձակման սկզբից 550,000 աֆղանցիներ ստիպված հեռացել են իրենց տներից:
Գիշերը Քաբուլում կրակոցներ են հնչել: 80 մարդ ծանր վնասվածքներով տեղափոխվել է հիվանդանոց: Քաղաքում գործում է պարետային ժամ: