Բոլոր հաջողությունների հիմքում դժվարություններն են, սակայն դրանք պետք է դիտարկել որպես հնարավորություններ՝ նպատակներին հասնելու ճանապարհին: Այս միտքը Անուշ Ասլանյանին ուղեկցում է ամենուր՝ թե՛ նոր գործ ձեռնարկելիս, թե՛ սկսածը շարունակելու գործում: Անուշ Ասլանյանը, որի աշխատանքային մոտիվացիան ոչ մի անգամ չի կոտրել ֆիզիկական դժվարությունները, այժմ գլխավորում է սեփական հասարակական կազմակերպությունն ու սոցիալական ձեռնարկատիրությունը: Թիմում ներգրավված են հաշմանդամություն ունեցող անձինք, որոնց հետ պատրաստում են հայկական ավանդական տիկնիկներ եւ ոչ միայն: