Ուկրաինան անօդաչու թռչող սարքով հերթական անգամ փորձել է գրոհել Մոսկվայի և Մոսկվայի շրջանի օբյեկտները․ ՌԴ ՊՆ

Ուկրաինան անօդաչու թռչող սարքով հերթական անգամ փորձել է գրոհել Մոսկվայի և Մոսկվայի շրջանի օբյեկտները՝ հայտնում է Ռուսաստանի պաշտպանության նախարարությունը:

Գերատեսչության տվյալով՝ սարքը ոչնչացվել է Իստրինսկի շրջանի օդային տարածքում: Զոհերի և ավերածությունների մասին տեղեկություններ չկան։ Ռուսական լրատվամիջոցները գրում են, որ տեղի ունեցածի ֆոնին մայրաքաղաքի օդանավակայանների աշխատանքը ժամանակավորապես սահմանափակվել է:

Ուկրաինական կողմը հայտնում է, որ պայթյուններ են լսվել Խարկովում և Զապորոժիեի շրջանում:

Երկրի գլխավոր շտաբն էլ մանրամասներ է հայտնել մարտի դաշտում զարգացումների մասին: Նշվում է, որ ռուսական կողմը հարձակողական գործողություններ է իրականացնում Բախմուտ, Կրեմեննայա, Դոնեցկ և Ուգլեդար բնակավայրերի ուղղությամբ, Ուկրաինայի զինված ուժերը շարունակում են առաջ շարժվել հարավում։ Գլխավոր շտաբի տվյալով՝ ուկրաինացի զինվորականները հետ են մղում ռուսական ուժերի հարձակումները:

Related posts

ՔՊ վարչության նիստում քննարկվել են կուսակցական, քաղաքական և հանրային կարևորություն ունեցող հարցեր

Սահմանազատման գործընթացի վերաբերյալ բոլոր հարցերը քննարկվում են բացառապես պետական հանձնաժողովների համատեղ աշխատանքների շրջանակներում․ Մհեր Գրիգորյանի գրասենյակ

Աննա Հակոբյանը բարձրագույն կրթությունը կշարունակի Չինաստանում, Մարինե Հակոբյանը կսովորի Խաչատուր Աբովյանի անվան մանկավարժական համալսարանում