ՆԱՏՕ-ն չի մասնակցի Ուկրաինայի և Ռուսաստանի միջև պատերազմը դադարեցնելու բանակցություններին: Լրատվամիջոցների փոխանցմամբ՝ այդ մասին հայտարարել է ՆԱՏՕ-ի գլխավոր քարտուղար Մարկ Ռյուտեն։
«Մենք որպես ՆԱՏՕ չենք մասնակցում այդ բանակցություններին։ Դրանք իսկապես առաջնորդում է ԱՄՆ-ը՝ Ուկրաինայի և Ռուսաստանի հետ միասին։ Ես ուրախ եմ, որ ԱՄՆ-ը տեղից շարժեց այդ հարցը, և այդ բանակցություններն այժմ շարունակվում են»,- ասել է պաշտոնյան։
Ռյուտեի խոսքով՝ բանակցությունները դանդաղ են ընթանում, բայց ոչ թե Ուկրաինայի, այլ Ռուսաստանի պատճառով, և «գնդակն այժմ ակնհայտորեն ռուսական դաշտում է»:
Գլխավոր քարտուղարն ընդգծել է, որ ՆԱՏՕ-ն, որպես կազմակերպություն, բանակցություններում «կարմիր գծեր» չունի, քանի որ մասնակից չէ այդ գործընթացին: Ռյուտեն հավելել է՝ դաշինքը ցանկանում է, որ Ուկրաինան լինի ինքնիշխան պետություն, որը զարգանում է: