Օգոստոսի 22-ին տեղի ունեցավ միջոցառում նվիրված Իվան Իսակովի (Հովհաննես Տեր-Իսահակյան) արձանի մոտ՝ նվիրված Խորհրդային Միության Հերոսի, գիտնականի, աշխարհում միակ «Ծովային ատլաս»-ի հեղինակի ծննդյան 130-ամյակին։
«Նրա անունը ոսկե տառերով է գրված Խորհրդային Միության ռազմածովային նավատորմի կայացման պատմության և հետպատերազմյան խաղաղ ժամանակահատվածում ԽՍՀՄ պաշտպանունակության ամրապնդման տարեգրության մեջ»,- նշեց Վետերանների միության նախագահ Սիմոն Եսայանը։
Ելույթ ունեցողները նշում էին, որ Իսակովը անչափ հայրենասեր անձնավորություն էր, երբեք չէր մոռանում իր արմատները և ձգտում էր օգնել հայ ժողովրդին։ «Նա ավելի քան 170 պատմվածք էր գրել, 3 վիպակ, դարձել Խորհրդային Միության Գրողների միության անդամ, օգնել «Ծովակալ Ուշակով» ֆիլմի ստեղծմանը»,- նշեց հայտնի բարերար, մեկենաս, Իսակովի մասին վավերագրական կինոնկարի ստեղծող Արթուր Սողոմոնյանը։ Ոչ տարածաշրջանային խաղացողները՝ Հայաստանից հազարավոր կիլոմետրեր հեռավորության վրա գտնվող երկրները, ձգտում են մեզ հրամցնել իրենց հերոսներին։
«Ամեն անգամ նայելով այս արձանին՝ մտածում եմ, թե որքան անհավանական տաղանդավոր է հայ ժողովուրդը։ Չէ որ այս, կարելի է ասել, ցամաքային տղան, որ մեծացել է սարերի և ավազների մեջ, որտեղ անգամ ծովի նշույլ չկա, կարողացել է իր մոլուցքի և համառության (բառի լավ իմաստով) շնորհիվ այսպիսի բարձրունքների հասնել խորհրդային նավատորմում։ Դա ուղղակի անհավանական է։ Եվ մեր խնդիրն է չմոռանալ պատմել իրական հերոսների մասին»,- իր ողջույնի խոսքում մասնավորապես նշեց Հայաստանում Ռոսսոտրուդնիչեստվոյի: