Արտակարգ դեպք Շիրակի մարզում։
Այսօր ժամը 13։00֊ի սահմաններում հրդեհ է բռնկվել Շիրակի մարզի Շիրակ գյուղում գտնվող մատուռում և կիսավեր սուրբ Մինաս եկեղեցու փակ հատվածում: Մատուռն այրվել է ամբողջությամբ, եկեղեցում բռնկված հրդեհը հաջողվել է արագ հանգցնել:
Դեպքի վայր է մեկնել ՀՀ ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։
Հրդեհների պատճառը դեռևս հայտնի չէ։ Նշենք, որ եկեղեցին և մատուռը գտնվում են գյուղի տարբեր հատվածներում և հրդեհվել են գրեթե միաժամանակ։