Հնդկաստանի իշխանությունները Օդիշա և Արևմտյան Բենգալիա նահանգներից 1,5 մլն մարդու են տարհանել՝ «Դանա» փոթորկի մոտենալու պատճառով:
Միաժամանակ, գործի են անցել հազարավոր փրկրարաներ՝ հնարավորինս նվազեցնելու ցիկլոնի վնասները, որին սպասում են առաջիկա 24 ժամում:
Հնդկաստանի օդերևութաբանական վարչությունը հայտնել է, որ մինչև հինգշաբթի երեկոյան Բենգալյան ծոցի իջվածքը կվերածվի սաստիկ ցիկլոնային փոթորիկի: Կանխատեսվում է, որ այն կհարվածի ափամերձ շրջաններին 100-120 կմ/ժ արագությամբ: