Հայաստանը Սփյուռքի մենթորը չպիտի լինի և չի կարող լինել, Սփյուռքն էլ Հայաստանի մենթորը չի կարող լինել, որովհետև մեզ թվում է, թե Սփյուռքը Հայաստանի համար այդ երկրում ազդեցության միջոց է, բայց հակառակն էլ կա, և մենք վերջերս տեսանք դա, երբ Սփյուռքն է այդ երկրի համար ազդեցության միջոց դառնում Հայաստանի դեմ: Այդ մասին ճեպազրույցի ժամանակ ասաց վարչապետ Նիկոլ Փաշինյանը՝ անդրադառնալով Հայաստան-Սփյուռք հարաբերություններին:
Ինչ վերաբերում է Սփյուռքի տնտեսական հատվածին, Փաշինյանը հիշեցրեց, որ հայտարարել է՝ second hand ապրանքի կարիքը չունի ՀՀ-ն՝ չբացառելով, որ ժամանակին դրա կարիքը եղել է:
Որպես Հայաստան-Սփյուռք համագործակցության հաջողված օրինակներ՝ Փաշինյանը ներկայացրեց Թումոն, COAF-ի նախագծերը, Firebird-ը և այլ նախաձեռնություններ:
«Մենք շնորհակալ ենք և բարձր ենք գնահատում բոլոր այն նախաձեռնությունները, որոնք Հայաստանի պետական օրակարգի հետ և Կառավարության ռազմավարությունների հետ են համընկնում: Մենք շնորհակալության մեծ զգացում ունենք այդ գործունեությունը Հայաստանում ծավալող մեր սփյուռքահայ հայրենակիցների նկատմամբ»,- ասաց նա: