Հայաստանը պատրաստակամ է Վիետնամի հետ ամրապնդել համագործակցությունը. ԱԳ նախարար

Հայաստանի և Վիետնամի արտաքին գործերի նախարարներն ուղերձներ են փոխանակել Հայաստանի Հանրապետության և Վիետնամի Սոցիալիստական Հանրապետության միջև դիվանագիտական հարաբերությունների հաստատման 30-ամյակի կապակցությամբ:

Շնորհավորելով գործընկերոջը՝ ՀՀ ԱԳ նախարար Արարատ Միրզոյանն իր ուղերձում վերահաստատել է Հայաստանի պատրաստակամությունը Վիետնամի հետ երկկողմ և բազմակողմ հարթակներում համագործակցության ամրապնդման և ընդլայնման հարցում, ինչպես նաև վստահություն է հայտնել, որ համատեղ ջանքերի շնորհիվ և առկա մեծ ներուժի կիրառմամբ հնարավոր կլինի զարգացնել և որակապես նոր մակարդակի բարձրացնել երկու երկրների միջև առևտրատնտեսական հարաբերությունները:

Վիետնամի ԱԳ նախարար Բուի Թան Սոնն իր հերթին պատրաստակամություն է հայտնել ջանքերն ուղղել Հայաստանի և Վիետնամի միջև երկկողմ և բազմակողմ հարթակներում համագործակցության խորացմանը, ինչպես նաև երկուստեք հետաքրքրություն ներկայացնող ոլորտներում հարաբերությունների հետագա զարգացմանը՝ ի շահ երկու երկրների ժողովուրդների:

Related posts

Նիկոլ Փաշինյանի գլխավորությամբ տեղի է ունեցել խորհրդակցություն՝ նվիրված անկանխիկ գործառնությունների խթանման հարցերին

Թուրքիայում ավտոբուս է կողաշրջվել. կա զոհ ու ավելի քան 20 վիրավոր

Ուկրաինայի ԶՈՒ-ն հայտնել է ռուսական «Էնգելս» և «Դյագիլևո» օդանավակայանների վրա հարձակումների մասին