Նոյեմբերի 16-ին ոստիկանության Արմավիրի բաժնի քրեական հետախույզներն ապօրինի թմրաշրջանառության վերաբերյալ տվյալներն օպերատիվորեն իրացրին։ Նրանք Արմավիր քաղաքի Մաշտոցի փողոցում հայտնաբերել, ձերբակալել և ոստիկանության Արմավիրի բաժին են տեղափոխել 53-ամյա մի տղամարդու։
Նրա խուզարկությամբ հայտնաբերվել է մարիխուանայով փաթեթ։ Նախաձեռնված քրեական վարույթի շրջանակում 53-ամյա արմավիրցու բնակության վայրի խուզարկությամբ հայտնաբերվել են ընդհանուր 670 գրամից ավելի մարիխուանայով փաթեթներ և կանեփանման բույս։
Կազմված փաստաթղթերն ուղարկվել են տարածքային քննչական վարչություն։ Հանգամանքները նախաքննությամբ պարզվում են։