Լիպեցկի շրջանի թիվ 2 ուղղիչ գաղութից վեց բանտարկյալ է փախել:
Սոցցանցի իր էջում այս մասին հայտնել է նահանգապետ Իգոր Արտամոնովը՝ տեղեկացնելով.
«Բոլոր օպերատիվ ծառայությունները կենտրոնացած են նրանց գտնելու վրա, կազմակերպվել են անհրաժեշտ միջոցառումներ հանցագործներին որոնելու և կալանավորելու համար»:
Քրեակատարողական դաշնային ծառայության տարածաշրջանային վարչության տվյալներով՝ փախած բոլոր բանտարկյալները Կենտրոնական Ասիայից են։ Դեպքի մասին հայտնի է դարձել , երբ գաղութի աշխատակիցները պարեկության ժամանակ փորված թունել են հայտնաբերել: Նրանք հաշվել են բանտարկյալներին և պարզել, որ վեցը բացակայում են:
Դեպքի հանգամանքները պարզելու համար նշանակվել է ծառայողական քննություն։ Գործում է օպերատիվ շտաբ:
Տելեգրամ ալիքները հրապարակել են փախած բանտարկյալների տվյալները:
Նրանք են՝
Դավրոն Ջաբբորով՝ ծնված 1997 թվականին, ծնունդով Տաջիկստանից: Դատապարտված է բռնաբարության համար։
Դիլշոլ Արսլոնով՝ ծնված 1996 թվականին, ծնունդով Ուզբեկստանից: Դատապարտված է 16 տարին չլրացած անձի հետ սեռական հարաբերություն ունենալու համար։
Թուրգուն Աբդուլլաև՝ ծնված 1997 թվականին, ազգությամբ Ուզբեկստանից: Դատապարտված է բռնաբարության համար։
Խուրշիլբեկ Դանիև՝ ծնված 2005 թվականին, ծնունդով Ուզբեկստանից: Դատապարտված է թմրամիջոցների ապօրինի շրջանառության համար։
Պարվոզբեկ Տուրաբաև՝ ծնված 2005 թվականին, ծնունդով Ուզբեկստանից: Դատապարտված է թմրամիջոցների ապօրինի շրջանառության համար։
Բախտիյոր Ժումաև՝ ծնված 1996թվականին: Դատապարտված է բռնաբարության համար: