ԱՀ աշխատանքի, սոցիալական և միգրացիայի հարցերի նախարարությունը պարզաբանում է տարածել, որը ներկայացնում ենք ստորև.
«Ի գիտություն այն թոշակառուների, որոնց ապրիլ ամսվա՝ 68000 դրամի չափով աջակցության էլեկտրոնային լրացրած դիմումները մերժվել են:
Պարզաբանում ենք. քանի որ այսուհետ բոլոր թոշակառուների աջակցության գումարը վճարվելու է ոչ թե ՀՀ-ից, այլ Արցախից, հետևաբար թոշակառուների լրացրած էլեկտրոնային դիմումների մերժումը չի ազդի աջակցության գումարի վճարմանը:
Բոլոր թոշակառուները, անկախ այդ հանգամանքից, կստանան իրենց հասանելիք գումարն այն կարգով, ինչպես ստանում են իրենց թոշակը»: