Թուրքիան դեկտեմբերի 30-ից կորոնավիրուսի ՊՇՌ-թեստի բացասական արդյունքով տեղեկանք Է պահանջելու բոլոր ուղևորներից, որոնք երկիր են ժամանելու ավիատրանսպորտով, տեղեկացնում Է «Արմենպրես»-ը:
«Ուղևորները, որոնք ավիաչվերթով մեկնում են Թուրքիա կամ Թուրքիայի տարածքով այլ երկիր, պետք Է կորոնավիրուսի ՊՇՌ-թեստի բացասական արդյունքով տեղեկանք ներկայացնեն, որն արվել Է թռիչքից ոչ ավելի, քան 72 ժամ առաջ:
Կանոնն ուժի մեջ Է մտնում 2020 թվականի դեկտեմբերի 30-ի տեղական ժամանակով 12:00-ից:
Վեցից ցածր տարիքի ուղևորների համար տեղեկանք չի պահանջվի»,-հաղորդել են Turkish Airlines ավիաընկերության մամուլի ծառայությունում:
Այնտեղ նշել են, որ այն ուղևորներին, որոնք նման տեղեկանք չեն ներկայացնի տպագիր կամ Էլեկտրոնային տեսքով, չեն թույլատրի նստել ինքնաթիռ: Տեղեկատվությունը հաստատել են նաև ռուսաստանյան տուրօպերատորները:
«Տեղեկանքը պետք Է ներկայացվի անգլերեն լեզվով»,-ճշտել Է Coral Travel տուրօպերատորի հասարակայնության հետ կապերի բաժնի ղեկավար Մարինա Մակարկովան:
Թուրքիայի իշխանությունները կանոնների խստացումը բացատրել են կորոնավիրուսի ավելի վարակիչ հիմնամանրԷի տարածմամբ, որը հայտնաբերվել Է Մեծ Բրիտանիայում և մի շարք այլ երկրներում:
Ենթադրվում Է, որ նախազգուշական նոր միջոցները գործելու են մինչեւ 2021 թվականի մարտի 1-ը: