Գազայի հատվածում իսրայելական հարվածների հետևանքով զոհերի թիվը գերազանցել է 18,4 հազարը, իսկ վիրավորների թիվը՝ 50 հազարը։
Այս մասին հաղորդում է ՌԻԱ Նովոստին՝ վկայակոչելով Պաղեստինի առողջապահության նախարարության ներկայացուցիչ Աշրաֆ ալ-Կուդրային։
«Գազայի հատվածում ագրեսիայի սկզբից ի վեր 18,412 մարդ է զոհվել, ավելի քան 50 հազարը՝ վիրավորվել»,- ասել է ալ-Կուդրան «Ալ-Աքսա» հեռուստաալիքով հեռարձակվող մամուլի ասուլիսի ժամանակ։
Իսրայելական կողմի զոհերի պաշտոնական թիվն էլ, իշխանության տարածած վերջին տվյալներով, կազմել է մոտ 1,2 հազար, ընդ որում՝ խաղաղ բնակիչներ, զինվորականներ, օտարերկրյա քաղաքացիներ և բանվորներ։ Իսրայելական կողմը հայտնել է նաև ավելի քան 5 հազար վիրավորի մասին։