Անթալիայի դիվանագիտական ֆորումի շրջանակում ՀՀ ԱԳ նախարար Արարատ Միրզոյանի և Ադրբեջանի ԱԳ նախարար Ջեյհուն Բայրամովի հետ պանելային քննարկմանը Մակա Բոճորիշվիլին նշել է, որ Վրաստանը չի մասնակցում «3+3» տարածաշրջանային խորհրդակցական հարթակին, հավելել՝ ճիշտ կլինի՝ այն կոչեն «3+2»:
«Մենք համագործակցում ենք մեր բոլոր հարևանների հետ՝ բացի Ռուսաստանից, քանի որ Վրաստանի երկու շրջանները դեռ օկուպացված են ՌԴ-ի կողմից, և այդ շրջաններում դեռ կա ռուսական ռազմական ներկայությունը, որը չենք ընդունում: Այդ իսկ պատճառով մենք չենք դիտարկում այդ ձևաչափին ներգրավվելը»,- նշել է Բոճորիշվիլին:
Նա հիշեցրել է, որ Ռուսաստանի հետ երկխոսության միակ գործող ձևաչափը Ժնևի միջազգային քննարկումներն են: