Արայիկ Հարությունյանն ընդունել է բռնցքամարտի Եվրոպայի պատանի չեմպիոն Էրիկ Առստամյանին

Արցախի Հանրապետության նախագահ Արայիկ Հարությունյանը հոկտեմբերի 22-ին ընդունել է օրերս Իտալիայում կայացած առաջնությունում բռնցքամարտի Եվրոպայի 52կգ քաշային կարգում պատանիների չեմպիոնի տիտղոսը նվաճած Էրիկ Առստամյանին և նրա մարզիչ Նարեկ Աբրահամյանին:

 

Երկրի ղեկավարը շատ բարձր է գնահատել պատանի բռնցքամարտիկի և մարզչի ունեցած ձեռքբերումը՝ ընդգծելով հատկապես օլիմպիական մարզաձևից հաղթող ճանաչվելու կարևորությունը: Նախագահ Հարությունյանի խոսքով՝ մարզական նման հաջողությունները ոչ միայն հպարտության առիթ, այլև սեփական ուժերին հավատալու և առավելագույնին ձգտելու լավագույն օրինակ են։

 

Հանրապետության նախագահը կրկին հավաստիացրել է, որ տարբեր սպորտաձևերի զարգացման ուղղությամբ Կառավարությունը շարունակելու է մեծ ջանքեր գործադրել, որպեսզի մեր մարզիկների ապագա հաղթանակները ավելի երաշխավորված լինեն:

Related posts

Հա դե սրբազանն է էլի, հո չարե՞ց, աչք փակեք. Արայիկ Հարությունյանը հիշեցրել է «աչք փակելու» հետևանքը

Նիկոլ Փաշինյանը և Էմանուել Մակրոնը քննարկել են Հայաստան–Ֆրանսիա երկկողմ, տարածաշրջանային և միջազգային օրակարգին վերաբերող հարցեր

Հրդեհ Սեբաստիայի փողոցում․ փրկարարները տարհանել են 10 քաղաքացու