Ադրբեջանցի երկու զինծառայող կրակել են 13-րդ դարում կառուցված Չարեքթարի վանքի ուղղությամբ: Տեսանյութը տարածել է Կովկասյան ժառանգության պաշտպանության կազմակերպությունը` տեղեկացնելով, որ Վանքի ուղղությամբ կրակ են բացել նաև զրահափոխադրիչից:
«Նման հարձակումները հայ մշակութային ժառանգության նկատմամբ Արդարադատության միջազգային դատարանի միջանկյալ միջոցների ուղղակի խախտում են և պետք է հետաքննվեն, կրակողները պետք է պատասխանատվության կանչվեն»,- հայտնում են կազմակերպությունից: