Ռազմական գործողությունների ավարտից և տարածաշրջանում ռուսական խաղաղապահ գործողությունների սկսվելուց ի վեր Լեռնային Ղարաբաղում հրադադարի ռեժիմը խախտվել է առաջին անգամ: Այս մասին նշված է շաբաթ հրապարակված Ռուսաստանի Պաշտպանության նախարարության տելեկագրում:
«Ռուսաստանի խաղաղապահ ուժերի զորախումբը շարունակում է առաջադրանքներ իրականացնել Լեռնային Ղարաբաղի տարածքում: Դիտարկման 23 կետերում ռուս խաղաղապահները շուրջօրյա վերահսկողություն են իրականացնում իրավիճակի վերաբերյալ և վերահսկում են հրադադարի ռեժիմի պահպանումը: Դեկտեմբերի 11-ին արձանագրվել է Հադրութի շրջանում հրադադարի ռեժիմի խախտման մեկ դեպք», – ասվում է տեղեկագրում:
Շաբաթ ավելի վաղ Հայաստանի Պաշտպանության նախարարությունը հայտարարել էր Ղարաբաղի հարավում դեկտեմբերի 12-ին Ադրբեջանի նախահարձակ գործողությունների մասին՝ Հին Թաղլար և Խծաբերդ բնակավայրերի ուղղությամբ: