Ծանրամարտի միջազգային կարգի սպորտի վարպետ Աննա Գովելյանը՝ որպես մարզիչ, իր հարուստ փորձն է հաղորդում մատաղ սերնդին: Ժամանակին նա 2 անգամ դարձել է Եվրոպայի կանանց առաջնության արծաթե մեդալակիր, 1 անգամ էլ կանգնել է պատվո հարթակի 3-րդ աստիճանին: Սակայն Աննան ծանրամարտի պատմության մեջ մտել է որպես Հայաստանի տարբեր տարիքային առաջնությունների ոսկե մեդալների յուրատիպ հավաքածու ունեցող ծանրորդուհի: Նա ունի 37 ոսկե մրցանակ: