Նախատեսվում է Հայաստանում նվազագույն աշխատավարձը բարձրացնել մինչև 85 հազար դրամ

Հայաստանում նվազագույն աշխատավարձը նախատեսվում է բարձրացնել՝ հասցնելով 85 հազար դրամի: ԱԺ աշխատանքի և սոցիալական ու ֆինանսավարկային և բյուջետային հարցերի մշտական հանձնաժողովների համատեղ նիստի ընթացքում Աշխատանքի և սոցիալական հարցերի նախարար Նարեկ Մկրտչյանը նշեց, որ նվազագույն աշխատավարձի բարձրացումը Կառավարության հնգամյա ծրագրի կետերից մեկն է:

«Նվազագույն աշխատավարձի բարձրացումը մեր Կառավարության հնգամյա ծրագրի մաս է կազմում: Մինչև 2026 թվականը այն ցուցանիշները, որ Կառավարության ծրագրում գրվել են, հասնելու ենք այդ ցուցանիշներին»,- ասաց Նարեկ Մկրտչյանը:

Նվազագույն կենսաթոշակը 2021 թվականին 26 հազար 500 դրամ է: 2022 թվականին այն բարձրանալու է 2100 դրամով:

«Արդյունքում կբարձրանա շուրջ 15 հազար 600 աշխատանքային կենսաթոշակ ստացող քաղաքացիների կենսաթոշակը, ինչի համար պետական բյուջեից լրացուցիչ կպահանջվի 269 միլիոն դրամ: Իսկ շուրջ 5256 զինկենսաթոշակառուների կենսաթոշակների բարձրացման համար պետական բյուջեից կհատկացվի 159.7 միլիոն դրամ»,- ասաց Մկրտչյանը:

Related posts

Նախաձեռնվել է քրեական վարույթ՝ առևանգման հատկանիշներով. ՔԿ-ն՝ անչափահասների՝ ադրբեջանական կողմում հայտնվելու մասին

Քրեական ոստիկանները ձերբակալել են վեց հոգու. խուզարկությամբ հայտնաբերվել են հրազեններ

Բարձր ենք գնահատում ՀՀ-ԵՄ հարաբերությունների խորացմանը Շվեդիայի կողմից ցուցաբերվող աջակցությունը. Փաշինյան