Տարիներ առաջ քոլեջում բացվել էր Դուրգարյանի անունը կրող դասարան, հետո տնօրինությունը որոշել էր՝ դասարանը պետք է վերանորոգել եւ դարձնել վարպետի ավանդին ու գործունեությանը բնորոշ: Այսօր, Հմայակ Դուրգարյանի 80-ամյակին ընդառաջ, լսարանը վերաբացվեց: ՀՀ վաստակավոր արտիստ, մշակույթի նախարարության ոսկե մեդալակիր, «Մոսկվայի վիրտուոզներ» կամերային նվագախմբի ջութակահար եւ դիրիժոր Հմայակ Դուրգարյանին Կարա-Մուրզայի անվան պետական երաժշտական քոլեջի բակում դիմավորեցին ծափահարություններով: