Մենք երեք տարվա ընթացքում կառուցել ենք այնքան ճանապարհ, ինչքան նախորդ յոթ տարիների ընթացքում չի կառուցվել, բայց շատ կարևոր է, որ մեր իշխանությունից որևէ մեկն այդ ճանապարհների կառուցման արդյունքում միլիոնատեր չի դարձել: Այս մասին ԱԺ հատուկ նիստին ասաց վարչապետի պաշտոնակատար Նիկոլ Փաշինյանը:
«Մենք ճանապարհներ կառուցում ենք ոչ թե ասֆալտ գողանալու, այլ մարդկանց ծառայելու համար: Այսօր ՀՀ տասնյակ գյուղեր կան, որ 80-ականներից այս կողմ անցանելի ճանապարհ չեն ունեցել, խորհրդային ժամանակներից մանկապարտեզ չեն ունեցել: 200 մանկապարտեզ ենք մենք այս ընթացքում կամ կառուցել, կամ վերակառուցել, կամ հիմնանորոգել և երբեք չենք մտածել, թե այս մի բանի համար ինչքան ձայն ենք ստանալու, որովհետև մեր գործողությունները հիմնված են եղել արժեքների վրա»,- ասաց վարչապետի պաշտոնակատարը:
