Ջավախքի Նինոծմինդա քաղաքը Տերյան էր լսում. ասմունք՝ Տերյանի բանաստեղծություններից ու երգեր՝ տերյանական ստեղծագործությունների հիման վրա։ «Աշնան մեղեդի. պոեզիայի երեկո» խորագրով միջոցառումը նվիրված էր նշանավոր հայ բանաստեղծ, քնարերգու եւ հասարակական գործիչ Վահան Տերյանին։ «Ջավախքին աջակցություն» հիմնադրամի գործադիր տնօրեն Սամվել Մկոյանի խոսքով՝ միջոցառման նպատակն է ամրապնդել հայ-վրացական հարաբերությունները եւ տեղի ջավախահայությանը եւս մեկ անգամ հայ մեծանուն գրողին ունկնդրելու հնարավորություն տալ։
