ՄԱԿ-ը պաշտպանում է լրատվամիջոցների ազատ աշխատանքին բոլոր երկրներում: Այս մասին ուրբաթ ТАСС-ին ասել է համաշխարհային կազմակերպության գլխավոր քարտուղարի խոսնակի տեղակալ Ֆարհան Հակը՝ պատասխանելով մի շարք ռուսական լրատվամիջոցների դեմ Կանադայի պատժամիջոցների մասին հարցին։
Ավելի վաղ հայտնի էր դարձել, որ Կանադայի իշխանությունները պատժամիջոցներ են սահմանել Ռուսաստանից 29 ֆիզիկական անձանց և 15 կազմակերպության նկատմամբ։ Մասնավորապես, ցուցակում են Մոսկվայի և Համայն Ռուսիո պատրիարք Կիրիլը, ՌԴ ԱԳՆ խոսնակ Մարիա Զախարովան, լրագրող Եկատերինա Անդրեևան և տասնյակ այլ ռուս լրագրողներ, ТАСС գործակալությունը, Առաջին ալիքը, RT-ն, Sputnik-ը, Vesti.Ru-ն, НТВ-ն, Regnum լրատվական գործակալությունը, VGTRK, ВГТРК, Газпром-медиа, հեռուստաալիքներ «Ռոսիա-1» և «Ռոսիա-24», «Ազգային մեդիա խումբը»:
