Հայաստանի ազատ ոճի ըմբիշ Հայկ Աբրահամյանը բրոնզե մեդալ է նվաճել Հռոմում ընթացող ըմբշամարտի Եվրոպայի երիտասարդական առաջնությունում:
Մեր 61 կգ քաշային ըմբիշը 3-րդ տեղի համար մրցամարտում 8:3 հաշվով վստահ հաղթել է ռումինացի Դանիել Սանդուին: Այդպիսով, Հայկ Աբրահամյանը չորրորդ մեդալը բերեց Հայաստանի հավաքականին: Հիշեցնենք, որ երեկ մեր ըմբիշները նվաճել էին երեք մեդալ` 2 ոսկի, 1` արծաթ:
Այսօր մեդալների համար մենամարտեր պետք է անցկացնեն նաև 92 կգ քաշային Սերգեյ Սարգսյանը և 125 կգ քաշային Լյովա Գևորգյանը: