Արթիկցի ֆուտբոլասերները չեն մոռանում իրենց վարպետ թիմին՝ «Տուֆագործին», որը հաջողությամբ պաշտպանում էր քաղաքի պատիվը Հայաստանի 1-ին խմբի առաջնությունում: Այսօր այդ թիմը չկա, բայց դա չի նշանակում, որ Արթիկը զրկված է ֆուտբոլային հեռանկարից: Քաղաքային մարզադաշտում վերջին մարզումներն են անցկացնում՝ պաշտոնական նոր մրցաշրջանին նախապատրաստելով տարբեր տարիքային թիմերի, այդ թվում նաեւ՝ աղջիկների: Երեխաները մեծ ոգեւորությամբ են ծանոթանում միլիոնների խաղի նրբերանգներին: