Իրանի միջուկային ծրագրի շուրջ ստեղծված ճգնաժամը կարգավորելու նպատակով Օմանի մայրաքաղաք Մասկատում սկսվել է ԱՄՆ-Իրան բանակցությունների երրորդ փուլը։
Այս մասին հայտնել է իրանական Tasnim գործակալությունը՝ հիշեցնելով, որ բանակցությունների միջնորդը հենց Օմանն է:
Իրանական պատվիրակությունը գլխավորում է երկրի արտգործնախարար Աբբաս Արաղչին, իսկ ամերիկյան պատվիրակությունը՝ ԱՄՆ նախագահի հատուկ դեսպանորդ Սթիվեն Վիթքոֆը։
Խորհրդատվական հանդիպմանը Իրանը կներկայացնեն փոխարտգործնախարարներ Մաջիդ Թախտ-Ռավանչին և Քազեմ Ղարիբաբադին։