Օլիմպիական չեմպիոն Յուրի Վարդանյանի անվան ծանրամարտի մանկապատանեկան մարզադպրոցի սաների զգալի համալրում է տեղի ունեցել նոր ուսումնական տարվա մեկնարկին զուգընթաց եւ հիմա երեխաներից շատերը ծանրաձողին ճիշտ մոտեցման տեխնիկան են յուրացնում, միաժամանակ մարզիչների հսկողության ներքո աշխատում են հնարավորինս մաքուր կատարել ծանրաձողը բարձրացնելու գործընթացը: Արդեն առկա են առաջին հաջողությունները: Մասնավորապես 81 կգ քաշային կարգում հանդես եկող Ալեքսան Պողոսյանը դարձել է հանրապետության դեռահասների առաջնության հաղթող: Նրա ծրագրերը հավակնոտ են: