Ամերիկացի ռեփեր Քանյե Ուեսթը, որը մտադիր էր առաջադրվել ԱՄՆ նախագահի ընտրություններում, իր օգտին է քվեարկել նոյեմբերի 3-ին կայացած ընտրություններում:
Ավելի վաղ Ուեսթը հայտարարել էր, որ մտադիր է մասնակցել նախագահի պաշտոնի համար պայքարին որպես անկախ թեկնածու, քանի որ երկրի ներկայիս ղեկավար Դոնալդ Թրամփն արդեն առաջադրված է հանրապետականների կողմից: Նա նաև ռեփեր Jay-Z-ին հրավիրել է դառնալ իր փոխնախագահի թեկնածու:
Կատարողին մոտ կանգնածներն ասում էին, որ Ուեսթը տառապում էր երկբևեռ խանգարումից:
«Այսօր իմ կյանքում առաջին անգամ եմ քվեարկում Միացյալ Նահանգների նախագահական ընտրություններում և քվեարկում եմ նրա օգտին, ում իսկապես վստահում եմ… ինքս ինձ», – գրել է Ուեսթը Twitter-ի իր միկրոբլոգում: