Ադրբեջանաիրանական սահմանին փոխհրաձգություն է տեղի ունեցել, կա վիրավոր։ Նշված է Ադրբեջանի գլխավոր դատախազության և պետական սահմանային ծառայության համատեղ հայտարարության մեջ: Ադրբեջանական Բոյուք Բահմանլի գյուղի մոտակայքում գտնվող սահմանապահ դիրքի տարածքում սեպտեմբերի 8-ի գիշերը նկատել են, որ երեք անհայտ անձինք Իրանի կողմից Ադրբեջանի ուղղությամբ խախտել են պետական սահմանը: Սահմանախախտները չեն ենթարկվել սահմանապահների նախազգուշացմանը։ Սահմանախախտների փախուստի փորձը կանխելու համար սահմանապահները կրակել են, ինչի հետևանքով սահմանախախտներից մեկը վիրավորվել է, իսկ երկուսին հաջողվել է հեռանալ:
Փոխհրաձգություն ադրբեջանաիրանական սահմանին
