Հղիության ընթացքում երեխայի առողջական վիճակը ճիշտ գնահատելու եւ խնդիրների վաղաժամ հայտնաբերման համար առավել նպատակահարմար է սքրինինգային հետազոտությունը: Այս հնարավորությունը Շիրակի մարզում արդեն կա, ընդորում` անվճար պայմաններով: Հղիության առաջին սքրինինգը իրենից ներկայացնում է ուլտրաձայնային եւ արյան կենսաքիմիական հետազոտություններ, իսկ հղիության երկրորդ սքրինինգը տալիս է պտղի բոլոր օրգանների համակարգերի մանրամասն անատոմիական գնահատական: