Սպորտը ահաբեկման ենթակա չէ. Արցախի ԿԳՄՍ նախարարը հանդիպել է «Լեռնային Արցախ» ֆուտբոլի թիմի անդամների հետ

Աստղիկ Խաչատրյան 18.09.2021 - 21:37
18.09.2021 - 21:37 դիտում

Արցախի Հանրապետության կրթության, գիտության, մշակույթի և սպորտի նախարար Լուսինե Ղարախանյանը տեղեկացրել է, որ այսօր հանդիպել է «Լեռնային Արցախ» ֆուտբոլի մանկապատանեկան թիմի անդամների հետ։

««Լեռնային Արցախ» մանկապատանեկան թիմին տեղափոխող ավտոբուսի հետ կատարվածը ահաբեկչության դասական օրինակ է։ Սա Բեսլանի սարսափը վերապրելու և զգալու առիթ դարձավ։ Իսկ Արցախի տարբերանշանը քերելը կարծրացող հայատյացության ևս մի ապացույց է։ Սպորտը քաղաքականացման ենթակա չէ, ահաբեկման՝ առավել ևս։

Մեր մարզիկները չեն տրվել թուրք ահաբեկչի սադրանքին։ Նրանք կշարունակեն սպորտով նվաճել բարու, հաղթանակի, ուժի, ինքնահաղթահարման սահմանները։

Ի դեպ, թիմը 2020-2021 թվականների ՀՀ պատանիների ֆուտբոլի առաջնության չեմպիոն է, իսկ Գերմանիայի Լայպցիգ քաղաքի 16 երկրների ֆուտբոլի պատանիների մրցույթում այս տարի նվաճել են երկրորդ տեղը։

Ո՛չ ահաբեկչությանը»,- Ֆեյսբուքի իր էջում գրել է Ղարախանյանը:

Նշենք նաև, որ Արցախի պատանի ֆուտբոլիստների ավտոբուսի քերված դրոշը փոխարինվել է նորով:

0 մեկնաբանություն
0

ՆՄԱՆԱՏԻՊ ՀՈԴՎԱԾՆԵՐ