Պաշտպանության նախարար Սուրեն Պապիկյանն այսօր՝ հունիսի 15-ին, Ազգային ժողովում անդրադարձավ սահմանային իրադրությանը և ադրբեջանական կողմի ագրեսիային։
«Ակնհայտ է, որ այն ամենն ինչ կատարվում է թե՛ տեղեկատվական դաշտում, թե՛ դրան հաջորդող իրական հողի վրա իրավիճակը սրելու կամ ցույց տալու համար, որ հայկական կողմը ունի ապակառուցողական դիրքավորում և մշտապես խախտում է հրադադարի ռեժիմը»,-ասաց նա։
Պաշտպանական գերատեսչության ղեկավարը հունիսի 15-ին Հակարիի կամրջի մոտ տեղի ունեցած դեպքը կապում է ՀՀ պետական խրհրդանիշների օրվա հետ։
«Իրենք փորձել են այս ձևով ևս մեկ անգամ ի ցույց դնել իրենց սադրիչ էությունը, բայց ի պատիվ մեր սահմանապահների գործողությունների՝ նրանց նպատակը չի իրականացվել։ Ցավոք՝ դիպուկահարի կողմից կա մեկ վիրավոր, իրենք նույպես հայտնել են վիրավորի մասին»,-ասաց նախարարը։
