Մեր հյուրերին ասենք՝ բարի գալուստ մշակութային Երևան: Հայտարարում ենք արդեն պաշտոնապես` սեպտեմբերի առաջին տասնօրյակը շատ թեժ է լինելու: Այս մասին Ֆեյսբուքի իր էջում գրել է ՀՀ վարչապետի աշխատակազմի ղեկավար, «Սթարմուս» փառատոնի աշխատանքների կազմակերպման միջգերատեսչական հանձնաժողովի համանախագահ Արայիկ Հարությունյանը:
«Այս սեպտեմբերին Բրայան Մեյը գալիս է Հայաստան՝ StarmusVI փառատոնի շրջանակներում։
Սեպտեմբերի 7-ին նա հանդես կգա Another world համերգային ծրագրով, որին կմասնակցեն Գրեհամ Գոլդմանը, Դերեկ Շերինյանն ու Sons of Apollo խմբի մասնակիցները, Օպերայի և բալետի ազգային ակադեմիական թատրոնի սիմֆոնիկ նվագախումբը։
Համերգի բացումը՝ «Նեմրա» և Մոնսերատ Մարտի»,- գրել է Հարությունյանը:
