Ռուսաստանում զինծառայողը Վորոնեժի մերձակայքում գտնվող աերոդրոմում երեք մարդ է սպանել, ինչի մասին գրում է ՏԱՍՍ գործակալությունը՝ վկայակոչելով արտակարգ իրավիճակների ծառայությունում քաջատեղյակ աղբյուրին:
«Զինծառայողը հրաձգություն է կազմակերպել, կրակել է ատրճանակից, որը վերցրել էր սպայից: Սպանվել է երեք մարդ: Հարձակվողը բարիկադավորվել է տարածքում»,-ասել է աղբյուրը:
Ըստ նախնական տվյալների՝ զոհվել է մեկ սպա և երկու զինվոր:
Ավելի ուշ հաղորդվել է, որ հանցագործը՝ 2000թ. ծնված Անտոն Մակարովը, դիմել է փախուստի: Նա կարող է զինված լինել: