21 օր առաջնագծում:Արտակ Սամվելի Ժամակոչյանը պատերազմի հաջորդ իսկ օրը ԱԱԾ սահմանապահ զորքերի շարքում մեկնեց առաջնագիծ, կռվեց ու մարտնչեց՝ հանուն հայրենի սահմանների պաշտպանության:Ջոկի հրամանատարի միակ պահանջն էր՝ ոչ մի թիզ նահանջ:Հայրենիքն անառիկ ու ապահով պահելու գաղափարը վեր էր նույնիսկ ընտանիքից:Արտակի ընտանիքը սկսվում էր հենց հայրենի սահմաններից:
1990 թվականի մարտի 18-ին ծնված Արտակ Ժամակոչյանը սովորել ու ավարտել է Գյումրու թիվ 4 դպրոցը, 2007-2009 թթ ծառայել է Հայոց բանակում։ 2010 թվականից անցել է ծառայության ԱԱԾ սահմանապահ զորքերում:Ամուսնացած էր, ունի մեկ դուստր:
Արտակ Ժամակոչյանի հոգեհանգստի արարողությունը տեղի կունենա նոյեմբերի 4-ին՝ ժամը 17:00-ին, Գյումրու Սուրբ Հակոբ Մծբնեցի եկեղեցում, հուղարկավորությունը՝ նոյեմբերի 5-ին՝ ժամը 13:30-ին, Շիրակի Պանթեոնում:
«Ցայգ» հեռուստաընկերությունն իր աշխատակազմով խորին ցավակցությունն է հայտնում Ժամակոչյանների ընտանիքին, հարազատներին ու բարեկամներին:
«Ոչ մի թիզ նահանջ». Արտակ Ժամակոչյան
նախորդ գրառումը