Աշոցքի, Ամասիայի և Արթիկի տարածաշրջանների ավտոմոբիլային ճանապարհների որոշ հատվածներում մարտի 23-ին ժամը 9:30-ի դրությամբ ուժեղ բուք է: Մասնավորապես, Աշոցքում, Վարդաղբյուրում, Ամասիայում, Քեթիում, Ջաջուռում, Մանթաշում։
Շիրակի մարզպետարանը տեղեկացնում է, որ Աշոցքում տեսանելիությունը մինչև 3-5 մետր է։ Մարզի միջպետական, հանրապետական, մարզային նշանակության ավտոմոբիլային ճանապարհների որոշ հատվածներ դժվարանցանելի են և առկա է մերկասառույց։
Ճանապարհները սպասարկող ընկերությունները կրկին աշխատում են արտակարգ ռեժիմով։ Մարզպետարանը հորդորում է երթևեկել միայն խիստ անհրաժեշտության դեպքում և ձմեռային անվադողերով:
